KA NGETLOUH ZAWK VUALZAWLNA
TOUPA lemgel dan hi a mak ngei e
Ka gel siam ngeilouh a hon itna omzia hi
Hausakna ka nget in gentheihna in hon tuam a
Kipahna ka nget in lungngaihna khimbang a zing
Damtheihna ka nget in natna teng in hon tuam
TOUPA lemgel dan hi a mak ngei e
Lei mihing ta a dia theih siam vual a hi lou e
Ka gentheihna’n ka toupa mel lawm hong musak a
Ka lungngaih’n ka kipah nang hon ensak a
Ka natnaten ka toupa hong naih sak zaw hi
Ka nget louh zawk vualzawlna
ka tung a toupa’n hon vuk in
Kei a dia hoih zaw hon gel sak zel in
Hinna lampi hon ensak
vualzawlna khen a vualzawlna
Toupa lem gel dan hi a mak ngei e
Ka mihing lungsim ngaihtuah’n a gel zoh louh
Lemgelna ka nget in ka ngaihtuahna a buai zel
Dohzohna ka nget in lung ngaih na a hong tung a
Paktak ka hih lai in musitna ka dong zel
Toupa lem gel dan hi a mak ngei e
A hon it vang kei dia a lem gel dan hi
Ka buaina kei din kawl nisuak hon musak in
Lungzing a ka om in dohzohna hon hilh a
Musit a ka om in a pahlai mel ka mu
Comments
Post a Comment